Tuesday, January 15, 2008

Хунт нуур аа гэж...

  Хэд хоног нойргүй явсаар байгаад мангар юм шиг болчихож. Арай гэж блогоо бичиж байна.
   Уржигдар ЯМОХ-ын УЗ-ийн хурлаа тарчихаад балет үзлээ. Ленинградын Улсын Балетын Чуулгын "Хунт нуур"-ыг үзэв. Аргагүй л 170 жилийн түүхтэй балетын чуулга юм даа. Би учир зүггүй балет мэддэггүй ч гэсэн, өдийг хүртэл үзэж ирсэн балет дундаас хамгийн тансаг нь байлаа. Суудал маань тайзнаас хол байсан тул царайг нь харж чадаагүй ч, тэр гар хөлний уян найланхай бас эрч хүчтэй хөдөлгөөн нь, амьд хөгжмийн чуулга нь, тайз засалт хувцас хунарынх нь дэгжин тансаг байдал нь ёстой л цус хөөргөж байна лээ шүү. Харамсалтай нь эхний үзэгдэл дээр нь зовхио дийлэхгүй дуг хийж орхисон байв. Гэнэт нэг л танил ая яваад нүдээ нээгээд харсан чинь нэгдүгээр үзэгдлийн хоёрдугаар хэсэг(зарим балетэн дээр хоёрдугаар үзэгдэл)-ийн алдарт "Дөрвөн хунгийн бүжиг" явж байдаг юм байна. Энэ аяыг нь байнга сонсдог болоод ч тэр үү нэг л сэтгэлд ойрхон байдаг юм. Бүжиг нь ч гэсэн дөрвүүлээ гараа хөтлөөд яг ижилхэн хөдөлгөөн хийнгээ, хажуу тийшээ, урагшаа явж, үсрэх нь нэг л хөөрхөн... Тэр хөдөлгөөнийг яг тэгж зэрэг хийнэ гэдэг бас агуу шүү.
   



   Энэ хэсгийг үзээд хөөрчихсөн байсан болоод ч тэр үү, 3 үзэгдлийг дуустал нь сэрүүн байсан шүү. Завсарлагаанаар нь тухайн бүжгэн жүжгийн программыг авснаа одоо үзээд сууж байна. Оросууд урлаг, спорт, шинжлэх ухаан гээд бүх л зүйлд авъяастай байх юм аа. Орос гэснээс "Цагаан шөнийн" хот Ленинград(Санкт-Петербург) нэг явж үзэх юм сан...
   Монголд анх "Хунт нуур" 1975 онд тавигдсан гэдэг. Дараагийнх нь 1993 онд гэж сонссон. Хамгийн сүүлд бол 2005 онд буюу "Хунт нуур" Монголын тайзнаа тавигдсаны 30 жилийн ойгоор тавигдсан шиг санаж байна. Гэхдээ энэ хооронд тогтмол, маш олон удаа тавигдсан гэсэн. Би Монголд "Хунт нуур" үзэж байсан шиг санадаг юм. Даанч яг хэзээ, хэний тоглосоныг гэдгээ мэддэггүй. Хэрвээ Монголын Дуурь Бүжгийн Эрдмийн Театрынх бол 1993 онд үзсэн болж таарах гээд... Нэг удаа Японоос балетчид ирж тоглож байсан. Тэр гэхдээ "Цөмөөхэй" байсан шиг санах юм... Ээжээсээ асуудаг хэрэг ээ. "Та яг намайг ямар юманд дагуулж явсийн?" гээд. хэхэ.
  Энэ удаагийн балетнаас хоёр зүйл мэдэрлээ. Эхнийх нь, Монголын балет аль ч улсын дор орохгүй чадалтай юм байна гэдэг. Дараагийнх нь, би урлаг ойлгодоггүй, мэддэггүй гэлтгүй балет, дуурь, драм зэргийг үзэж л байх хэрэгтэй гэдэг. Цааш цаашдаа өөрийгөө хөгжүүлэх үүднээс байнга иймэрхүү тоглолтуудыг үзэж байнаа гэж... Дашрамд хэлэхэд, иймэрхүү тоглолтуудын билетийг эртнээс захиалбал бараг тал үнээр нь авч болдог юм байна лээ шүү
.

7 comments:

Болороо said...

Mongold oyutan bhdaa nzuudtaigaa haayaa ochij uzdeg bailaa. Mongolyn balet neeree haana ch gologdohgui bhaa. Hunt nuur minii huvid ch tiim, hed ch uzsen uidahgui. Hamgiin baleted zoriulsan balet bhaa

Болороо said...

Mongoloos Ganhuyag geed baletchin od bdg sht. Suuld end neg balet bolood elchingees unegui bilet avch uzseneer barahgui Ganhuyagtai zurgaa avahuulj gyalaisan.

Duur bijgiin erdmiin teatr 93 onoos hoish Hunt Nuur zunduu togloson.

BoYKa said...

Харин тийм юм гэсэн. Би бас элчингээс үнэгүй авъя л даа(ToT)

Гангасүрэгтэн Б.Мөнхтуг said...

Нээрээ энд лав хоёо залуу байдаг. Уулзаж байсан юм. Балет ТВ-гээр л харж байсан даа. Нэг үзэх юмсан хэхэ

hundaga said...

uzhiimsan gj bodoj bgaad amjaaguin bna. uzeeguidee haramsav.

hundaga said...

uzhiimsan gj bodoj bgaad uzej amjaaguin bna. uzeeguidee haramsav. bilet ni tal uneer hyamdardag gdg chini sain zeregleliin biletnii une 10000 ni 5000 bolno gsn ug uu?

Бор Боржигон Жанцанноров Дамдинцэрэн said...

Sain uu? Balletnii talaar zondoo yum bichmeer baigaa ch towchihon heden zuil bichye... Mongoliin baletiin urlag Azi dundaa mergejiliin towshin bolon chadwariin huwid deeguur ordog gej helj bolno... manai ballet-chid maani bugd oros surgalttai, bugd orosd togsdog bailaa... nert balletchidaas durdwal Oyun gej hun baisan yum. Mon balletiin urlagt unetei huwi nemer oruulj baiga hun bol yaah araggui Jamiandawag guai yum. Bujig degleech gedeg bol ballet-chidiin huwid burhan ni l gesen ug. 2000 ond baina uu 2001 ond anhnii songodog bujgiin angi togsson yum. Togsson oyutnuudaas odoo Duurit ajillaj baiga hun gewel tsoon uldesen. ter uyed anhnii balletiin angi togsson 4 zaluu HABL gedeg hamtlag neej tailan togloltoo hiij baisaniig todhon sanaj bn... HABL gedeg ni Hangai, Altanhuyag, Batbold, Lhagwa gesen 4 hunii ner yum. ene 4 zaluugiin 2 ni USA-d, harin 2 ni Japan-d bujiglej baiga. Japan-d baidag Batbold, Lhagwa 2 endee hamgiin tomd tootsogdoh Ballet-iin baiguullagad ajildag. nogoo 2 ni urd ni Japan-d bujigledeg baisan yum. Ednii angiin Hongorzul geed ohin odoo Mongold HONGORO`s ballet school neegeed amjilttai baiga. Yor ni Ballet gedeg ni mergejiliin humuus beltgedeg urlag ch gelee odoo uyed huuhdiig baga deer ni biye-iin uyan hatan bolgoh uudnees mon tewcheer hatuujil zereg olon yum surgaj huuhdiig tolowshuuldeg bolohoor bid ur huuhdee bagaas ni urlagt durtai, urlagt hairtai hun bolgoh heregtei gej sanagddag.
Buh Hun mergejiliin toshind hureh albagui, harin buh Hun soyoltoi uzegch baiwal urlag hogjidog jamtai...

Bor-Borjigon Jantsannorov Damdintseren